Bəzən bir sözdə cümlələri, hətta həyatınızın çox mühim bir hadisəsini ifadə etmək istəyirik. “Xoşbəxtəm” demək və ya sadəcə gülümsəmək sənin daxili aləmində fırtınalara səbəb olacaq o böyük sevinci ifadə edər. Bu sizi bilməyən, tanımayan birinə görə bir söz, gülümsəmə, sizə görə isə ayların, bəlkə illərin gətirdiyi sevincin nişanəsidir.

Bir gülümsəməni bir damlaya suya bənzədək, bir damla suyun özündə hansı sevincləri birləşdirə biləcəyini anlamağa çalışaq.

Bir damla su.. Düşünməyə başlasaq, bu bizim susuzluğumuz üçün kifayət deyil, əllərimizi yuya bilmərik, dişlərimizi fırçalaya bilmərik, çiçəkləri sulaya, təmizlik işləri görə bilmərik. Bəs bu bir damla kiməsə və ya nəyəsə kömək ola bilərmi?!

Yol kənarında tapdıqları qida qırıntılarını zəhmətlə daşıyan qarışqaları düşünək

Bütün günü balaları üçün yuva qurmağa çalışan bir susamış bir qaranquşu düşünək

Su tapmağa çalışan kiçik bir pişik balasını düşünək

Dolması üçün sadəcə bir damlası əskik olan bir su qabı düşünək

Azyaşlı bir uşağa veriləcək toz şəklində dərmanın nə qədər su ilə qata biləcəyimizi düşünək